"Манчестер Сити" бош мураббийи Мануэль Пеллегрини ЕЧЛ гуруҳ босқичининг сўнгги турида "Рома" устидан қозонилган ғалабадан сўнг (2:0) фикрларини билдирди.
"Ишонч ҳар доим муҳим фактор бўлиб келган. Уйда "Рома"га қарши масумдаги энг ёмон ўйинимизни ўтказган эдик, аммо дуранг бўлган эди. Бугун ғалабамизга ишонган эдик, чунки охирги икки ҳафтада яхши ўйин кўрсатаётган эдик.
"Биз нормал ҳолатимизга қайтяпмиз, яхши прессинг қўлладик ва тўп билан яхши муомала қилдик. "Манчестер Сити" - ўйинчилари тўп билан яхши ишлай олиши керак бўлган нуфузли жамоа.
Ғалабамизга ишонган эдим. Мен футболчилар ҳақида эмас, жамоа ғақида гапиришимни таъкидлаганман. Бу таркиб матбуотда ёзилаётган гаплардан кўра кўпроқ мақтовларга муносиб", - дейди Пеллегрини.
Эслатиб ўтамиз, "Манчестер Сити" плей-оффда "Реал", "Боруссия", "Порту", "Барселона", "Монако" ёки "Атлетико" клубларидан бирига тушиши мумкин.