2006 йилдан 2010 йилгача Россия терма жамоасини бошқарган голландиялик мутахассис Гус Хиддинк рус ҳужумчиси Роман Павлюченко ҳақида воқеа айтиб берди.

Мутахасссис футболчини 2007 йилда Евро-2008 саралашида Англияга қарши уй учрашувига қандай тайёрлагнини айтиб берди, бу учрашувда Романанглияликлар дарвозасига иккита гол урган эди (2:1).

"Ажойиб воқеа бўлган эди. Ўйинга икки-уч кун қолганда Павлюченкокечки соат 7ларда бир чашка қаҳва ичиш учун кетди. Муаммо унинг рухсатсиз кетганида эди. Атрофимдагилар уни уйига жўнатиб юбооришимни сўрадилар.

Мен уларга дедим: "Биламан, уни уйига жўнатиб юборишим мумкин. Балки, уни ўйинга бошқача тарзда руҳлантирарман. У тартибни бузгани учун ўзини айбдор ҳис қилар. Бунинг устига тартибни қатттиқ бузмади, шунчаки қаҳва ичмоқчи бўлди."

Кейин унинг ўзига шундай дедим: "Эй, сен менинг рухсатимсиз отельни тарк этишинг мумкинмас!". У эса: "Сорри, мистер, сорри-сорри" деди. "Мендан кечирим сўрама, ўйининг билан кечирим сўра", дедим унга. Эртасига у иккита гол урди. Тўғрисини айтсам бу айнан шу воқеага боғлиқмасдир, аммо мен шундай деб ўйлашни хуш кўраман.

Мен уни ўзгартиришим керак эди. Чунки бошида у ухлаётган гигант эди. Мен уни шундай деб атардим. У иқтидорли ва чаққон бўлишига қарамай, ҳақиқатдан ҳам ухлар эди. Роман ўзининг жисмоний ва техник имкониятларидан тўлиқ фойдаланмади. Бунинг учун унинг кетига яхшилаб тепиш керак эди", - дейди Хиддинк.