"Манчестер Юнайтед" бош мураббийи Луи ван Гал клубнинг собиқ яримҳимоячиси Пол Скоулзнинг "Сити"нинг академияси "Юнайтед"никидан яхши эканлиги ҳақида гапирган сўзларига муносабатини билдирди.
Эслатиб ўтамиз, Луи ван Гал яқинда жамоанинг ўйинини танқид қилган "МЮ"нинг собиқ сардори Гари Невиллга ҳам "оғзига қараб гапириш"ни маслаҳат берган эди.
"Скоулз ҳам "МЮ" афсонаси, шундайми? Шунинг учун у ҳам сўзларига эътибор берса яхши бўлар эди. Академия биноси ва унинг иншоотлари муҳим роль ўйнамайди. Асосийси - ходимларнинг фалсафаси ва профессионаллиги. Ва албатта ёш иқтидорлар билан ишлай олиш санъати.
Икки клуб иқидорлари ва ходимларини таққослаш учун менда вақт йўқ. Асосийси, мен ўзимизда боридан мамнунман", - дейди Ван Гал.
