"Фиорентина" яримҳимоячиси Хуан Куадрадо "Манчестер Юнайтед"га ўтиши мумкин. Sport Mediaset тарқатган хабарда айтилишича, "қизил иблислар" вакиллари "фиалкалар"га 26 ёшли колумбиялик ўйинчини қишки трансферлар вақтида сотиб олиш учун таклиф киритмоқчи.
А-сериясининг жорий мавсумида Куадрадо 12 ўйинда (барчасида асосий таркибда) майдонга тушиб, 3та гол ва 3та голли узатмага муаллифлик қилган. Унинг ҳисобида, шунингдек, 4та сариқ карточка ҳам бор.
Аввалроқ, инглиз нашрлари Куадрадонинг хизматларига "Манчестер Сити" бефарқ қарамаётгани ҳақида ёзганди.