"Ливерпуль" ҳужумчиси Марио Балотелли яқин кунларда "Интер"га ўтиши мумкин, дея хабар беради Daily Star.
24 ёшли футболчи Роберто Манчини бошқарувидаги клубга ўтади. Балотелли "Манчестер Сити"да Манчини қўл остида ўйнаган. Шундан буён бир неча майда келишмовчиликларга қарамай, улар ўртасида дўстона муносабат сақланиб қолган.
Аммо бу трансферга "Интер" мухлислари қарши бўлишлари мумкин, улар бир неча бор клубнинг ашаддий рақиби "Милан"га бўлган севгисини яширмаган Балотеллининг қайтишидан хурсанд бўлмайдилар.
Балотелли ёзда айнан "Милан" клубидан 16 миллион фунт эвазига "Ливерпуль"га ўтган эди.
