"Манчестер Юнайтед" бош мураббийи Луи ван Гал Англия чемпионатининг 16-турида "Ливерпуль" устидан йирик ҳисобдаги ғалабадан сўнг (3:0) фикрларини билдирди.
"Дарвозамизни даҳлсиз сақлаганимиздан фахрланаман, албатта бу ерда Де Хеанинг хизмати катта. Унда ажойиб реакция бор. Биз биртепар усулида ўйнаб, бир-биридан ажойиб голлар урдик, бундан ҳам шодман.
Охирги машғулотда Маркос Рохо жароҳат олган эди, шунинг учун таркибни ўзгартиришга тўғри келди. Тўп йўқотишларга йўл қўйдик, бу яхшимас. Нима учун бундай бўлди, буни эртага йигитлардан сўрайман. Мен жуда мамнунман, аммо "Астон Вилла"га қарши ўйин биз учун жуда муҳим. Биз меҳмондаги учрашувларда қийналяпмиз", - дея Ван Галнинг сўзларини келтиради ВВС.
