"Атлетико" бош мураббийи Диего Симеоне Испания чемпионатининг 15-турида "Вильярреал"га қарши учрашувдан сўнг (0:1) ҳакамлар ҳақида гапиришдан бош тортди.
Эслатиб ўтамиз, учрашув вақтида "Атлетико" ҳужумчиси Марио Манжукичнинг голи бекор қилинган эди.
"Мен ўйин ҳақида гапираман, ҳакамлар тўғрисида эмас. Мағлубиятдан сўнг ҳакамнинг ҳаракатларини изоҳлаб ўтирмайман. Учрашув қизиқ ўтди, икки жамоа ҳам кўп вазиятларга эга бўлди. Ким аниқроқ ҳаракат қилса, ўша ғалаба қозониши кўриниб турган эди", - дейди Симеоне.
