"Челси" бош мураббийи Жозе Моуриньо ўтган ёзда жамоа футболчиси Фрэенк Лэмпардни қўйиб юбориб тўғри қилганини таъкидлади.
36 ёшли футболчи ёзда MLS нинг "Нью-Йорк Сити" клуби билан шартнома имзолаб, "Манчестер Сити"га ижарага ўтган эди. Бу икки клубнинг эгаси бир одамдир.
Лэмпард бу мавсумда "шаҳарликлар"сафида 14 учрашув ўтказиб 6 гол урган.
"Лэмпардни қўйиб юбориб, тўғри қилганман - уни сақлаб қолишимиз бизнинг янги трансферларимизга ҳалақит қилган бўлар эди. Биз тўғри қарор чиқарганмиз. Агар олдинга назар ташласангиз, Фабрегас ва Матич каби ўйинчиларнинг келгуси ўн йил ичида жамоага устун бўлишлари мумкинлигини кўрасиз.
Бир йиллик эмас, кўп йиллик лойиҳа устида ишлаётганмизни назарда тутишимиз керак. "Челси"да Террива Дрогба бор-ку, дейишингиз мумкин, аммо бу бошқа масала. Дрогба - захирадан майдонга тушиб, бошқа ҳужумчиларга ёрдам бера оладиган ва уларнинг тарбиясига тасир этадиган футболчи", - дейди Моуриньо.
