Ўзбекистон миллий терма жамоаси БААнинг Дубай шаҳридаги илк йиғинини якунлаб 14 ноябрь куни Тошкентга қайтиб келди.

Миржалол Қосимов бош мураббийлигидаги терма жамоа Дубай шаҳрида 2 декабрдан 14 декабргача икки босқичдан иборат йиғиннинг дастлабкисини ўтказди. Ушбу йиғин давомида миллий терма жамоа иккита ўртоқлик учрашувида майдонга тушди. Дастлаб, 4 декабрь куни Янги Зеландиянинг «Окленд» клубига қарши учрашувда 0:0 ҳисоби қайд этилган бўлса, 13 декабрь куни Фаластин терма жамоасига қарши ўйинда Қосимов шогирдлари 1:0 ҳисобида ғалаба қозонди.

Эслатиб ўтамиз, Ўзбекистон миллий терма жамоасининг ОК-2015 баҳсларига тайёгарлик жараёни икки босқичга бўлинади ва уларнинг иккинчиси 17-29 декабрь кунлари БААда давом этади. Ушбу йиғин давомида Ўзбекистон миллий терма жамоаси Иордания (20 декабрь) ва Ироқ (25 ва 28 декабрь) терма жамоаларига қарши ўртоқлик учрашувларида майдонга тушади.