"Милан" бош мураббийи Филиппо Инзаги А сериянинг 15-турида "Наполи" устидан қозонилган ғалабадан сўнг (2:0) шогирдларидан фахрланишини билдирди.
"Бугунги ўйин томошабоп бўлди. Мен бу футболчилар билан фахрланаман. Гоҳида танқидлардан хафа бўламан. Биз тўғри йўлдамиз, аммо юқори ўринларни эгаллаш учун кўп ишлашимиз керак. Мен биринчи голдан жуда хурсанд бўлдим, бунинг устида машқ қилган эдик. Ўйинда машғулотларимиз мевасини кўриш ҳар доим ёқимли.
Мен ишга бўлган муносабатлари учун футболчиларимни, шу жумладан захирадан тушган уч ўйинчини мақтаб қўйдим. Улар оғзиларида кўпик билан ўзларини кўрсатишди", - дейди Инзаги.
