"Наполи" бош мураббийи Рафаэль Бенитес Италия чемпионатининг 15-турида "Милан"га қарши учрашувдаги мағлубиятдан сўнг (0:2) фикрларини билдирди.

"Ўйин биз учун омадсиз бошланди. Иккинчи бўлимда жамоа ўзига келди. Воқеалардан Игуаининг ҳафсаласи пир бўлди. Унда яхши имкониятлар бўлди, "Милан" ҳимояда ўтирган эди, бизда вазиятлар бўлди, аммо фойдалана олмадик.

Биз кичкина жамоа эмас, "Милан" ҳақида гаплашяпмиз. Уларда жуда яхши савияли ижрочилар бор, агар прессинг уюштирмаганимизда бизга кўп зиён етар эди.

Табиийики, жадвалда юқори ўринни эгаллаш учун ғалаба қозонишимиз керак. Уинчи ўринни эгаллашимиз қийин бўлади, аммо А серия оддий лига эмаслигинибилар эдик", - дейди Бенитес.