БААнинг "Ал-Аҳли" клуби бош мураббий Козмин Олариу Саудия Арабистони миллий терма жамоаси бош мураббийи этиб тайинланди.
"Яшил лочинлар" ўз уйларида бўлиб ўтган Форс кўрфази кубоги финалида ютқазиб қўйганларидан сўнг ,5 декабрь куни испаниялик мураббий Хуан Рамон Лопес Каро истеъфога чиқаришганди. Осиё кубоги бошланишига 3 ҳафта вақт қолганида жамоани мусобақага руминиялик мутахассис тайёрлайдиган бўлди.
Козмин Олариу Форс кўрфазида юқори обрўга эга. У 2011-2013 йилларда "Ал-Айн" (БАА)ни бошқариб, жамоани чемпионликка етаклаб келди. Ўтган мавсумда эса у "Ал-Аҳли" билан БАА чемпионлигини қўлга киритди. Шунингдек, ушбу мураббий Саудия Арабистонининг "Ал-Ҳилол" (2007/2008) ва Қатарнинг "Ас-Садд" (2010) клубларини бошқарган.
45 ёшли мураббий шанба куни "Банияс" қарши бўлиб ўтадиган навбатдаги тур ўйинидан кейин Саудияга кўчиб ўтади. Осиё кубоги-2015дан кейин ўз клубига қайтиши режалаштирилган.
Эслатиб ўтамиз, Ўзбекистон, Саудия Арабистони, Хитой ва КХДР терма жамоалари Осиё кубогининг "В" гуруҳида баҳс олиб боришади.
БААнинг "Ал-Аҳли" клуби эса "Насаф" ўрин олган ОЧЛнинг "D" гуруҳида мусобақани бошлайди.
