"Лион" ҳужумчиси Александр Ляказетт фаолиятини "Ливерпуль"да давом эттириши мумкин, дея хабар беради Daily Mail.
Англия вице-чемпиони ҳужум чизиғида муаммоларга учрамоқда, чунки мавсум бошида ишонч билдирилган Марио Балотелли умидларни оқламаяпи. Марио Англия чемпионатининг 10 учрашувида иштирок этиб, ҳали гол урмаган. Лига кубоги ва чемпионлар лигасида биттадан гол киритган.
Ляказетт "Лион" тарбияланувчиси бўлиб, 2010 йилдан буён асосий таркибда ўйнаб келади. 2013 йилда у Франция терма жамоасида дебют қилган. Ушбу мавсумда 18 учрашувда 16 гол урган.