Англиядаги Daily Mail нашри томонидан хабар қилинишича, "Ливерпул" раҳбарияти Фернандо Торресни жамоага таклиф этиш борасида жиддий бош қотирмоқда.
Трансфер ҳуқуқи "Челси"га тегишли бўлган Фернандо Торрес айни вақтда ижара асосида "Милан" шарафини ҳимоя қилмоқда. Аммо у А сериянинг 10 та ўйинида биттагина гол киритган. Шу сабабли миланликлар сафида қолиши шубҳа остида бўлиб турибди.
"Ливерпуль" Торресни ижарага олишга уриниб кўради. Кейинчалик унинг трансфери сотиб олиниши мумкин. Шу билан бирга Мадриднинг "Атлетико" клуби ҳам Торресга қизиқиш билдирган.
Агарда "Ливерпуль" Торресни қайтара олса, Балотеллини "Наполи"га ижарага беради. Шунда маош борасида тежамкорлик қилиш имкоиняти пайдо бўлади. Эслатиб ўтамиз, Фернандо Торрес 2007 йилдан то 2011 йилга қадар "Ливерпул"да ўйнаган.