"Реал" ҳимоячиси Серхио Рамос ўзи ҳақида мадридликларнинг собиқ устози Жозе Моуриньо айтган гаплари таъсир қилмаслигини билдирди.

"Мен ўзимнинг айтар гапимни айтдим. Моуриньонинг ишлар "Челси"да жуда яхши кетмоқда, менинг ишларим эса - ""Раел"да. Менга устозлик қилган бошқа уч мураббийларга бўлгани каби, унга ҳам омадлар тилайман", - дейди Рамос.

Эслатиб ўтамиз, Испания терма жамоаси ва "Челси" футболчилари Диего Коста ва Сеск Фабрегас жароҳатлари сабабли терма жамоанинг ўйинларига келмаганликларидан сўнг, Рамос баъзи ўйинчилар терма жамоа учун клубдагидай фидоий эмасликлари ҳавқида гапирган эди. Шундан сўнг Рамос Коста ва Фабрегасни назарда тутмагани айтган, Моуриньо эса Рамос бу футболчиларнинг жароҳати даражасини аниқлайдиган дипломли шифокор эмаслигини таъкидлаган эди.