Венгриянинг Дийор шаҳрида шахмат бўйича 16 ёшгача бўлган шахматчилар ўртасидаги Бутунжаҳон ёшлар шахмат олимпиадаси (“World Youth U-16 Chess Olympiad 2014”) якунланди.

Сўнгги 10-тур учрашувини Олимпиадада 21 рақам остида таснифланган Ўзбекистон ёшлар терма жамоаси Сербияга қарши қора доналарда ўтказди. Рейтингда рақибларига нисбатан яхшироқ ўринга эга бўлишига қарамай, якунда Маматқул Хайлаев шогирдлари 1,5:2,5 ҳисобида имкониятни бой бериб қўйишди.

Бу мағлубиятдан сўнг, терма жамоамиз Бутунжаҳон шахмат олимпиадасини 10 очко билан 26 ўринда якунлади. Сербия эса 15 поғонага кўтарилиб олди. Терма жамоамиз 10 та учрашувнинг 4 тасида зафар қучди. Яна шунча ўйинда имконият бой берилди. Яна икки баҳс эса дуранг натижа билан якунланди.

Таъкидлаш жоизки, терма жамоамиз сўнгги тур олдидан турнир жадвалида 19 ўриндан жой олиб турган бўлса, Сербия 24 поғонани банд этган эди.

Сербия – Ўзбекистон – 2,5:1,5

Лука Радович (2352) – Ортиқ Ниғматов (2236) 0:1

Янко Радович (2272) – Нодирбек Ёқуббоев (2144) 1,5:1,5

Велимир Ивич (2176) – Баҳора Абдусатторова (2216) 1:0

Марина Гайчин (2036) – Нодирбек Абдусатторов (2186) 1:0