"Коринтианс" мураббийлар штаби "Милан" ҳужумчиси Фернандо Торреснинг хизматларига қизиқиб қолган. Бу ҳақда Marca нашри маълум қилмоқда.
Манбада келтирилишича, испаниялик футболчи феврал ойидан бошлаб Бразилия клуби шарафини ҳимоя қила бошлаши мумкин. "Коринтианс" раҳбарияти Торреснинг жамоага ҳам Бразилия чемионатида, ҳам Либертадорес Кубогида нафи тегишига ишонмоқдалар. Клуб бир қанча вақтдан буён ҳужумчи изламоқда. Айни пайтда жамоани ҳужумчи Паоло Герреро тарк этиши инкор этилмаяпти.
Эслатиб ўтамиз, итальян гранди либосида Торрес ижара асосида тўп сурмоқда: унинг трансфер ҳуқуқи Лондоннинг "Челси" клубига тегишли.