Осиё кубоги-2015да иштирок этадиган жамоалар мусобақа олдидан бир қатор назорат учрашувларини ўтказмоқда. Кеча Дубай шаҳрида Ироқ терма жамоаси Қувайт термасига қарши ўртоқлик учрашувини ўтказди.

Учрашувнинг биринчи бўлимига қўшиб берилган дақиқада Шамиль Саид қувайтликларни олдинга олиб чиқди. 85-дақиқада ироқликлар етакчиси Юнус Махмуд жарима майдони ичида қўполлик билан тўхтатилди. Бундан футболчининг ўзи унумли фойдаланиб, ҳисобни тенглаштирди. Қолган вақтларда дарвозалар бошқа ишғол этилмади.

Ўртоқлик учрашуви
Ироқ - Қувайт - 1:1 (0:1, 1:0)
Голлар: Юнус Махмуд 85 (пен.) - Аль Мақсуд 45+2

Эслатиб ўтамиз, Радхи Шенаишил бошчилигидаги ироқликлар навбатдаги ўртоқлик учрашувларни 25 ва 28 декабрь кунлари Ўзбекистон терма жамоасига қарши ўтказса, 4 январь куни Эрон термасига қарши майдонга тушади.

Қувайт термаси эса 3 январда БААга қарши назорат ўйинини ўтказиб, 9 январ куни Мельбурнда Австралия термаси билан Осиё Кубоги - 2015 турнирининг очилиш учрашувида майдонга тушади.