АҚШ термаси ҳимоячиси Деанре Йедлин январь ойида “Тоттенхэм” сафига келиб қўшилади. “Шпорлар” 21 ёшли “Сиэтл Саундерс” футболчисини август ойида сотиб олган эдилар ва у тўрт йиллик шартнома имзолаганди, аммо ушбу мавсумни америкалик клубда ижара асосида ўтказиши керак эди.
“Бу унинг ривожланиши учун муҳим. Унинг мослашиб олиши учун майдонда ҳам, унинг ташқарисида ҳам вақт ажратилади. Жамоага январь ойида келиши билан у бунинг учун яхши имкониятга эга бўлади”, — деб championat.com Daily Mail нашрига таяниб “Тоттенхэм” мураббийи Маурисио Почеттино сўзларидан келтиради.
