Англия Премьер-Лигаси 17-турида "Манчестер Юнайтед"га қарши баҳсда қизил карточка олган "Астон Вилла" ҳужумчиси Габриель Агбонлахорнинг дисквалификацияси бекор қилинди.
Англия Футбол Ассоцияцияси "Астон Вилла" клубининг апеляциясини кўриб чиқди Агбонлахорга кўрсатилган қизил карточкани бекор қилди. Шу тариқа, ҳужумчи кейинги ўйинда, аниқроғи Премьер-Лига 18-турида "Суонси" қарши ўйинда ўз жамоаси сафида майдонга тушиши мумкин.
Эслатиб ўтамиз, Габриель Агбонлахор 17-турда "Манчестер Юнайтед"га қарши ўйиннинг иккинчи бўлими 65-дақиқасида майдондан четлатилган эди. Учрашув эса 1:1 ҳисобида якунланган.













