"Челси" яримҳимоячиси Неманья Матич бу мавсумда жамоасининг ўзи иштирок этаётган барча мусобақаларда ғолиб чиқишига ишонмоқда.
Жозе Моуриньо шогирдлари чемпионатда етакчилик қилмоқда, Англия кубоги ва Англия Лигаси кубогида ғалабали одимламоқда, чемпионлар лигасининг 1/8 финалида "ПСЖ"га дуч келдилар.
"Ўйлашимча, ҳаммасини ютиш мумкин. Имкониятимиз бор. Олдимизга шундай мақсад қўйилган дея олмайман, аммо бунга уриниб кўрамиз. Натижас қандай бўлади, кўрамиз, аммо мен жамоамга ишонаман.
Ҳар доим руҳан тайёр бўлиш керак, ҳозир ўзимизга ишонаяпмиз. "Челси"да ҳар қандай рақибга қарши ўйнашга тайёр 25 футболчи бор. Биз ҳар доим бир жамоа бўлишга интиламиз", - дейди Матич.