Ўз тарихида илк марта Осиё кубогида иштирок этадиган Фаластин терма жамоаси бош мураббийи Аҳмад ал-Ҳассан қитъа чемпионатига борадиган таркибни эълон қилди.

Таркибга киритилган 23 нафар футболчининг 6 нафари легионерлар (Миср, Иордания, Польша, Саудия Арабистони, Словения ва Швеция чемпионатларидан) ҳисобланади. Терма жамоа таркиби асосан футболчилардан иборат. Рўйхатга 3 нафар олимпия (U22) терма жамоаси аъзолари киритилган бўлса, яна 9 нафар футболчи ҳали 25 ёшга тўлмаган.

Таркибдаги энг ёши катта футболчи дарвозабон Рамзий Салоҳ бўлса, Роид Тарифий ва Мурод Исмоил 32га киришган.

Фаластин терма жамоасининг Осиё кубоги-2015га борадиган таркиби:
Дарвозабонлар:  Рамзи Салех, Тоуфиқ Али ("Таржи Вади"), Рами Ҳамаде ("Тақафий"),
Ҳимоячилар: Муса Абужазр ("Қодир"), Мусаб ал-Баттат ("Шабоб аз-Заҳрия"), Абдулатиф Баҳдарий ("Виҳдат"), Ҳайтам Диб ("Жебел ал-Мукабер"), Rоиd Тарифий ("Ҳилол ал-Қудс"), Аҳмед Ҳарбий ("Ал-Амарий"), Алексис Норамбуэна ("Белхатув"), Абдулла Жобир ("Ҳилол ал-Қудс"), Тамир Салоҳ ("Ҳилол ал-Қудс");
Ярим ҳимоячилар: Ҳуссам Абу Солиҳ ("Ҳилол ал-Қудс"), Исмоил ал-Амур ("Ҳилол ал-Қудс"), Жака Иҳбейшеҳ ("Крка"), Мурод Исмоил ("Ҳилол ал-Қудс"), Ҳишом Солиҳ ("Ҳилол ал-Қудс"), Қодир Юсуф ("Таржи Вади")
Ҳужумчилар: Абдулҳамид Абуҳабиб ("Балата"), Махмуд Эйд ("Никёпингс"), Аҳмад Моҳир ("Шабоб аз-Заҳрия"), Ашраф Нўъмон ("Ал-Файсалий"), Холид Салим ("Шабоб аз-Заҳрия").