Ҳозирда "МЮ"да тўп сураётган "Атлетико"нинг собиқ ҳужумчиси Радамель Фалькао, Мадрида жамоасига келганидан сўнг, тез орада бу жамоани тарк этишини сезганлигини маълум қилди.
"Мен спорт лойиҳалари ва молиявий аҳвол сабабли Атлетико"да узоқ ушланиб қолмаслигимни сезгандим. Улар доим мавсум тугаши билан мени трансферга қўйишга мажбур бўлишларини айтиб келар эдилар. Мадридга келганимдан сўнг тўрт ой ўтиб, тезда бу ерни тарк этишимни сезганман", - дейди Фалькао.
Эслатиб ўтамиз, футболчининг ҳуқуқлари "Монако"га тегишли бўлиб, "МЮ"да ижарада ўйнамоқда. "Атлетико"га "Порту"дан келган бўлиб, 2011-13 йилларда ўйнаган.