Хитой миллий терма жамоаси бугун Осиё кубогида иштирок этиш учун Австралияга йўл олди. Уларни мухлислар ва футбол оммаси йирик мусобақага кузатиб қўйишди. Жамоа футболчилари Чжен Чжи ва Ву Лей ўз фикрлари билан ўртоқлашишди.
"Таркибимизда ёш ўйинчилар кўп. Уларнинг кўпчилигида тажриба юқори эмас. Айримлари Осиё кубогида илк марта иштирок этади. Шунга қарамай, уларда иштиёқ юқори. Муҳим мусобақада бундай руҳият бизга керак. Ўзимизга нисбатан ишонч юқори. Умид қиламан, биз яхши натижага эришиб, мухлисларнинг ишончини оқлаймиз", - дейди Чжен Чжи.
"Ҳужумчи сифатида менинг асосий вазифам гол уришдан иборат. Ўртоқлик ўйинлари орқали голли вазиятлар ярата олишимизни исботладик. Голлар уриб, жамоамга ёрдам бермоқчиман", - дейди Ву Лей.
