"Реал Мадрид" президенти Флорентино Перес ва "Боруссия Дортмунд" президенти Райнхард Раубалл футболчи Марко Ройснинг трансфери бўйича оғзаки келишувга эришишди, дея хабар беради «Marca» нашри.
25 ёшли ярим ҳимоячининг шартномасида унинг трансфер қилиниш суммаси 25 млн евро экани белгилаб қўйилган. Томонларнинг ўзаро келишувига кўра, энди Мадрид жамоаси бошқа даъвогар клубларга нисбатан устунликка эга бўлади.
Шу тариқа, Ройсга қизиқиш билдираётган "ПСЖ", "Манчестер Cити", "Бавария", "Барcелона", "Челси" ва бошқа жамоалар “Реал” билан рақобатда енгиб чиқишлари учун кўпроқ сумма таклиф қилишлари керак. Таклифлар бир хил бўлган вазиятда футболчи Мадридга йўл олади.
