Футбол ҳакамлари фаолиятига бағишланган www.footballrefereeing.blogspot.com сайти 2014 йилдаги ҳакамлар рейтингини тузиб чиқди. Сайт ўтказган сўровномада 17 мутахассис иштирок этди. Ҳар бир иштирокчи 15 нафар ҳакамдан иборат рейтингни тақдим этган. Ушбу рўйхат асосида умумий рейтинг шакллантирилган.

Блог версиясига кўра, голландияликлик Бьорн Куйперс 2014 йилнинг энг яхши ҳаками деб топилди. 41 ёшли ҳакам якунланган йилда Лиссабонда бўлиб ўтган "Реал" ва "Атлетико" ўртасидаги ЕЧЛ финалини бошқариб борди. У ЖЧ-2014нинг гуруҳ босқичида Англия-Италия, Швейцария-Франция ўйинларини, 1/8 финалда эса Колумбия-Уругвай учрашувини бошқариб борди. Голландия терма жамоаси сўнгги босқичга етиб боргани боис, у ўйинларни бошқа бошқармади. Сайт ўтказган сўровномага кўра, 304 балл тўплаган.

Иккинчи ўрин италиялик Никола Риццолига насиб этди. Хабарингиз бор, ушбу ҳакам ЖЧ-2014 финалини бошқариб борди. Италиялик ҳакам ЕЧЛнинг масъулиятли ўйинлари билан бирга, мундиалнинг 4та ўйинида ишлади. Сўровномада унинг ҳисобида 243 балл йиғилди.

Учинчи ўрин эса аргентиналик Нестор Питанага берилди. У ЖЧ-2014нинг 3та ўйинини бошқариб борди. Сўровномада Питана ҳисобида 228 балл тўпланди.

Ўзбекистонлик ФИФА рефериси Равшан Эрматов рейтингда 83 балл билан 12-ўринни эгаллади.

Рейтингнинг кучли 15талиги қуйидагича кўриниш ҳосил қилди:
1. Бьорн Куйперс (Голландия) — 304
2. Никола Риццоли (Италия) — 243
3. Нестор Питана (Аргентина) — 228
4. Ховард Уэбб (Англия) — 211
5. Жунайт Чақир (Туркия) — 205
6. Йонас Эрикссон (Швеция) — 191
7. Сандро Риччи (Бразилия) — 181
8. Марко Родригес (Мексика) — 160
9. Марк Гейгер (АҚШ) — 147
10. Феликс Брих (Германия) — 110
11. Бакари Гассама (Гамбия) — 95
12. Равшан Эрматов (Ўзбекистон) — 83
13. Карлос Вера (Эквадор) — 80
14. Марк Клаттенбург (Англия) — 78
15. Бенжамин Уильямс (Австралия) — 70