2015 йилда бизни, тўғрироғи, миллий терма жамоамизни Осиё кубоги мусобақаси кутиб турибди. ОК-2015 мусобақаси – ўзбек футболи учун энг муҳим мусобақа бўлиб, биз мухлислар ҳурмати учун Кубокни қўлга киритишига умид қиламиз. Сабаби, миллий терма жамоамизнинг ҳозирги таркиби билан Осиё Кубогини ютиш имкониятга эгамиз. Чунки, миллий терма жамоамизда бир қатор футболчилар кўп йиллардан буён бирга тўп суриши бунга мисол бўла олади, деб ишонаман. Бунинг учун миллий терма жамоамизнинг мураббийлар штаби рақиб жамоаларга қарши ўйинларда оқилона тактикалардан фойдаланиб, футболчиларимиз эса бош мураббий кўрсатган кўрсатмалардан тўғри фойдаланиб, «энг яхши ҳимоя – бу ҳужум» шиори остида тўп сурсалар кифоя.
Ҳар бир ўйинда қандай тактика танлаш ва асосий таркибда кимни майдонга тушириш, буёғи энди мураббийлар штабига боғлиқ.
Бош мураббий Миржалол Косимов учун ОК-2015 мусобақаси дебют ҳисобланади, у ҳақида қисқача маълумот:
М.Қосимов футболчи сифатида ОК-2000, ОК-2004да, ёрдамчи мураббий сифатида ОК-2007да иштирок этган. Мана энди бош мураббий сифатида ОК-2015да иштирок этиш арафасида. Агар жарохат олмаганда ОК-1996да футболчи сифатида, истеъфога чиқарилмаганда ОК-2011да бош мураббий сифатида иштирок этиши мумкин эди. Лекин, Миржалол Косимов Ўзбекистон миллий терма жамоада иштирок этган барча 6та Осиё Кубоги саралашида футболчи ва мураббий сифатида қатнашган ягона шахсдир. Унинг дебюти омадли келишини тилаб қоламан.
Энди гуруҳдаги рақибларимизга эътибор қаратиб ўтсам, қизиғи шунда-ки, уларнинг ҳеч бири ЖЧ-2014 4-раунд саралаш босқичида ўйнамаган.
1). ОК-2015. 10 январь. Ўзбекистон – КХДР, имкониятлар — 70-30
КХДР термаси ОК-2015 мусобақаси олдидан «сирли» тарзда машғулот олиб борганлиги ҳақида маълумотлар мавжуд. Ҳа, майли бу уларнинг иши. Бизнинг асосий ишимиз уларни мағлуб этиб, гуруҳдаги илк 3 очкони қўлга киритиш. Агар эсингизда бўлса, ЖЧ-2014 3-саралаш босқичида меҳмонда ўйнашига қарамасдан термамиз ягона гол эвазига КХДР термаси устидан ғалаба қозонганди.
2). ОК-2015. 14 январь. Ўзбекистон – Хитой, имкониятлар — 60-40
Хитой термаси ОК-2015 мусобақасида иштирок этувчи 23 футболчининг руйхатини биринчилардан бўлиб мусобақа ташкилотчиларига тақдим этиши, демак уларда ҳаммаси жойида дегани. Хитой мусобақага катта иштиёқ билан боришмоқда. ОК-2011 мусобақасининг гуруҳ босқичида улардан бутун ўйин давомида устунликка эришиб, якунда дуранг ўйналганди.
3). ОК-2015. 18 январь. Ўзбекистон – С.Арабистони, имкониятлар — 50-50
Саудия Арабистони билан сўнги бор ОК-2007 мусобақасининг чорак финалида тўқнаш келиб, ўйин ҳаками М.Шацкихнинг «тоза гол»ини ҳисобга олмаган ва аламли тарзда 1-2 ҳисобида имкониятни бой берилган эди, афсус. Ушанда Саудия Арабистони билан термамиз тенгма-тенг ўйнагандилар.
Нима бўлгандаям, биз мухлислар миллий терма жамоамиздан чиройли ўйинлар билан бир қаторда ажойиб ғалабаларни кутиб қоламиз. Бунга биз мухлислар ҳам ҳақлимиз. Ўзбекистондаги ва юртимиздан ташқари чет элларда юрган футбол мухлисларимизни бир оила фарзандлари каби бирлашишини, миллий терма жамоамизни хоҳ стадионда бўлсин, хоҳ телевизор қаршисида бўлсин, хоҳ интернет орқали бўлсин қўллаб-қўвватлаб туришга чақираман. Чунки миллий терма жамоа - бу халқ жамоаси деб бежизга айтилмаган. Ҳар бир халқ ўз севимли миллий терма жамоаси билан фахрланади, албатта. Мен ҳам ўз ўрнида миллий терма жамоамизнинг Осиё Кубогида зафар қучишни ва ҳар бир ўйинида фақат ғалаба қозонишини тилаб қоламан.
ОЛҒА, ЎЗБЕКИСТОНИМ!
UZBEKISTONIM никли мухлис
