Хабарингиз бор, ўтган йиллар давомида сайтимиз орқали мухлислари ўртасида "Онлайн викторина" танловини ўтказиб келгандик. Янги йилдан ушбу танловни яна йўлга қўямиз.

Танловнинг 1-тури бугун, 3 январь куни ўтказилади. Мухлислари эътиборига 11та савол тест кўринишида ҳавола этилади ва уларга жавоб топиш учун 2 соат вақт берилади. Викторина онлайн тарзда ўтказилади ва вақт якунланганидан кейин дарҳол ғолиб номини аниқланади.

Демак, 3 январь куни соат 13:00дан 15:00гача ўтказиладиган "Онлайн викторина"да иштирок этинг ва совға соҳибига айланинг. Совға 4 январь куни бўладиган Stadion.uz сайти мухлислари учрашувида топширилиши режалаштириляпти.

Викторинада берилган саволнинг тўғри жавоб белгилаб, алоҳида-алоҳида "жавоб бериш" тугмачаси босиб чиқилади. Саволлар асосан футбол тарихи ва ҳакамликка оид бўлади. Сайтимизда рўйхатдан ўтган мухлислар танловда иштирок эта олишади.

"Онлайн викторина" саҳифасига ҳавола танлов бошланишига оз вақт қолганида берилади.