“Саутгемптон” бош мураббийи Рональд Куман “Ливерпуль” ярим ҳимоячиси Стивен Жеррардни ўз жамоасига таклиф қилиш нияти борлигини яширмади.

Эслатиб ўтамиз, аввал “қизиллар” етакчиси мавсум якунига етгач жамоани тарк этишини маълум қилганди.

– Жеррардни “Ливерпул”да кўрмаслик бир оз ғалати таассурот уйғотади, – дея Куман сўзларини келтиради "A Bola" хабарига асосланиб "Спорт Экспресс". – Лекин агар у ўйнашни истаса “Саутгемптон”га ўтиши мумкин. Мен жиддий гапираяпман. Жеррард учун таркибда ҳар доим жой топилади. У топ-даражадаги фантастик футболчи, ғаройиб фаолият олиб борган чинакам сардор.