"Ювентус" раҳбарияти 2015 йилнинг ёзида янги трансферлар учун пуллларга эга бўлиш учун Поль Погбани сотмоқчи.

La Gazzetta dello Sport хабарига кўра, туринликлар учун 90 миллион евролик таклиф қониқарли бўлади.

Погба сотилган тақдирда "Ювентус" Радамель Фалкао ("МЮ"), Уэсли Снейдер ("Галатасарой"), Рамирес ("Челси"), Миранда ("Атлетико") ва Матс Ҳуммельс ("Боруссия" Д) каби футболчилар орасидан ўзи учун кераклиларни танлаб олади.

Эслатиб ўтамиз, 21 ёшли Погба ушбу мавсум давомида шартномасини 2019 йилгача узайтирган ва унинг йиллик маоши 4,5 миллион еврони ташкил қилади.

Погбанинг хизматларига бир неча йилдан буён "Реал", "ПСЖ", "Манчестер Сити" ва "Манчестер Юнайтед" клублари қизиқиб келмоқда.