"Навбаҳор" мавсум тайёргарлигини давом эттирмоқда. Режага кўра, бугун футболчилар дастлабки машғулотни “Навбаҳор” марказий ўйингоҳида ўтказишди. Дастлаб югуруш йўлакчасида машқлар бажарилган бўлса, машғулотнинг иккинчи қисмида ўйингоҳда жойлашган гимнастик залда шуғулланилди.

Жамоа эртага ҳам шу тартибда шуғулланади. 9 январ куни эса мавсумлар оралиғидаги дастлабки назорат ўйини бўлиб ўтади. “Динамо” ўйингоҳида ўтказилиши режалаштирилаётган учрашувда биринчи лига вакили “Косонсой” жамоаси рақиб бўлади.

16 январ куни якунига етадиган йиғин давомида "Навбаҳор" яна битта назорат баҳсида куч синашади. Яъни 14 январ куни жамоа Қўқонда “Қўқон-1912” меҳмони бўлади. Кейинги йиғин эса 19-31 январь кунлари Тошкентда бўлиб ўтади.

Пойтахтдаги машғулотлар давомида эса ўртоқлик учрашувлари сони ортади. Қолаверса, Тошкентда муносиб рақиб борасида ҳам муаммолар юзага келмайди.