"Манчестер Юнайтед", "Манчестер Сити", "Челси" и "Арсенал" клублари "Барселона" ҳужумчиси Луис Суарес атрофидаги воқеаларни диққат билан кузатишмоқда, дея хабар беради Британия ОАВ.
Луис "кўк-анорранглилар" сафида Испания чемпонатининг 9та ўйинида майдонга тушиб, 1та гол урди. Суарес машғулотлардан бирида Неймар билан тортишиб қолган.
Суаресни "Барселона"га олиб келган клуб спорт директори Андони Субисаррета шу кунларда истеъфога чиқарилди.
Ҳозирча каталонияликлар Суаресни сотиш ҳақида ўйлашаётгани йўқ, аммо клуб президентлиги учун сайловдан кейин уни трансферга қўйишлари мумкин.
