"Реал" посбони Икер Касильяс ўзиниинг собиқ жамоадоши, ҳозирда "Бавария"да ўйнаётган ҳимоячи Хаби Алонсонинг сўзлари ўзи учун ҳеч қандай аҳамиятга эга эмаслигини билдирди.
Хаби Алонсо ўзи билан бирга ўйнаган дарвозабонлар ичида Мануэль Нойерни энг яхши посбон деб атаган эди. Шунингдек, 33 ёшли футболчи мадридликлар "Барселона"даги вазиятдан фойдаланиб, Лионель Мессини ўз сафларига қўшиб олишларини маслаҳат берган эди.
"Криштиану Роналду "Олтин тўп"га муносиб эканлиги аниқ. Буни даврозабон сифатида айтмоқдаман. Хаби Алонсонинг сўзлари? Унинг гаплари мен учун аҳамиятсиз, ўзаро муносабатларимиз ҳам охирги вақтларда илиқ эмас эди. Мессини қўшиб олиш? Йўқ, биз усиз ҳам кучлимиз", - дейди Касильяс.