Бугун сиз азиз мухлислар кутган сана. "Яшил қитъа" деб аталадиган Австралияда Осиё кубоги-2015 мусобақасига старт берилади.
Бугун очилиш маросими бўлиб ўтади ва шундан сўнг мезбонлар - Австралия терма жамоаси Қувайт терма жамоаси билан мусобақани бошлаб берадилар. Учрашув Тошкент вақти билан 14:00 да бошланади.
Аҳамиятлиси, очилиш учрашувини Равшан Эрматов бошчилигида Ўзбекистонлик ҳакамлар бошқариб борадилар.
Ишонганларимиз эртага Шимолий Кореяга қарши ўйин билан мусобақани бошлайдилар. Бу учрашув Тошкент вати билан 12:00да бошланади.
Деярли бир ой давоимда давом этадиган мусобақа давомида Stadion.uz билан бирга бўлинг. Мусобақани кўнглингиздагидай ёритишга ҳаракат қиламиз. Бунинг учун махсус мини-сайт ташкил қилганимиздан хабарингиз бор.
Мусобақада терма Миржалол Қоимов бошлиқ терма жамоамизга омад ва ғалабалар тилаб қоламиз! Юртимизга ёруғ юз билан қайтишларини тилаймиз!
Stadion.uz таҳририяти.
