КХДР терма жамоаси бош мураббийи Чо Тонг Соп Ўзбекистонга қарши бўлиб ўтадиган Осиё кубогининг дастлабки ўйини олдидан ташкил этилган матбуот анжуманида ўз фикрларини билдириб ўтди.

"Осиё кубогида иштирок этадиган барча жамоалар кучли", - дея ўз фикрларини бошлади мураббий.

Жанубий ва Шимолий Корея терма жамоалари чорак финалда ўзаро тўқнаши қолиши мумкинлигини ҳақидаги саволга мураббий қуйидагича жавоб берди.

"Гуруҳдан чиқиш учун қўлимиздан келган барча ишни қиламиз. Ҳар бир ўйинга яхши тайёргарлик билан чиқсак, Жанубий Корея бўладими ёки бошқа жамоами, чорак финалда ҳар қандай жамоани мағлуб эта оламиз", - дейди Чо Тонг Соп.

КХДР ҳали бирор марта Ўзбекистон миллий терма жамоасини мағлуб эта олмаган. Эртанги ўйинда мураббий вазиятни ўнглашга ҳаракат қилишини таъкидлади.

"Ўзбекистонни яхши ўргандик. Бу жамоанинг кучли ва кучсиз томонларини биламиз. Ўзбекистон кучсиз эмас, яхши жамоа. Шу боис ўйин қизиқарли кечади. Мен ижобий натижага умид қиляпман", - дейди КХДР бош мураббийи.