Шимолий Корея терма жамоаси бош мураббийи Чо Тонг Соб Ўзбекистонга қарши ўйиндан кейин ўз фикрларини билдириб ўтди.
"Ўйиндан олдин ҳимояга эътибор қаратиб, қарши ҳужумда ўйнашни ният қилгандик. Ўйин ўрталарида гол уриш учун бизда битта имконият бўлди. Биз ушбу стратегияга амал қилишда давом этдик, аммо, афсуски, биз муваффақият қозона олмадик", - дейди кореялик мутахассис.
55 ёшли мураббий ёмғирли ҳаво ўйнашга халал берганини таъкидлаб ўтди.
"Ёмғир бизга халал берди. Биз кучли ўйнашда давом эта олмадик. Ёмғир жамоамизга муаммо туғдирди", - дейди мураббий.
Ўйин сўнгида кореяликлар гол уриш учун яхши имкониятга эга бўлишди. Бу ҳақда Чо ўз фикрини билдириб ўтди.
"Пак томонидан берилган зарба голга айланмади, афсуски, биз ютқаздик. Турнирда узоққа боришни истасак, ҳужум қилишимиз керак эди. Кейинги баҳсда ҳужумкор ўйин кўрсатамиз. Олдимизда иккита ўйин бор. Плей-оффга чиқиш учун ҳали имкониятга эгамиз, уни қўлдан чиқармасликка ҳаракат қиламиз", - дейди Чо Тонг Соб.
КХДР терма жамоаси 14 январь куни Мельбурнда Саудия Арабистони терма жамоасига қарши баҳс олиб боради.
