Осиё Кубоги-2015 турнирининг “B” гуруҳидан ўрин олган Ўзбекистон ҳамда Шимолий Корея терма жамоалари учрашуви ниҳоясига етди. Унда ҳамюртларимиз ишончли ва иродали ғалабани қўлга киритишди.
Вакилларимиз ғалаба қозониб турган бир пайтда, твиттернинг халқаро трендида #UZBvPKR ва #Uzbekistan ҳештеглари пайдо бўлди ва анча пайт юқори ўнликдан (тренд) ўрин эгаллади.
Лекин, шуни айтиб ўтиш керакки, миллий байрамларимизда ўзбек твиттерчилари томонидан ташкил этиладиган шунақа тадбирларда бундай трендга кўтарилишга уриниш доим ҳам омадли кечавермайди. Бу сафар эса, бир эмас иккита #Uzb ҳештеги қатнашган сўз осонлик билан трендга чиқди.
Маълумот учун, бундан олдин мустақиллигимизнинг 22 йиллигига бағишлаб, #uzb22 ҳештеги кенг кўламли ҳаракатлар эвазига дунё трендига чиқарилган, 2013 йилнинг 21 мартида #Navruz ҳештеги, 2014 йилнинг 11 июлида эса #IrmatovBest ҳештеги ҳам трендга чиққан эди.
