“Реал” бош мураббийи Карло Анчелотти ҳужумчи Криштиану Роналду ва ярим ҳимоячи Гарет Бэйл ўртасида тушунмовчилик йўқ эканлигини билдирди. Испания чемпионатининг 18-туридан жой олган “Эспаньол”га (3:0) қарши учрашувда уэльслик футболчи икки карра “Олтин тўп” соҳибига тўпни у гол уриши учун узатиши мумкин эди, аммо бундай қилмади. Бэйл ўзи тепишга қарор қилди ва нишонга олишда адашди. Ушбу вазиятдан сўнг португалиялик очиқ норозиликни намойиш қилди.

"Албатта, мухлислар Бэйл Криштиану Роналдуга пас беришини хоҳлашганди, аммо у бунга қарор қилмади. Албатта, бундай вазиятларда очиқкўнгил бўлиш талаб этилади, аммо ўзини ўйлаш ҳақида гапириш шарт эмас. Пашшадан фил ясамаслик зарур. Бу ўйиндаги вазият холос. Бэйл ва Криштиану Роналду орасидаги муносабатлар жуда зўр. Барчамиз бир мақсад – “Реал” учун мумкин бўлган барчасини қўлга киритиш сари кетаётганимизни эслаш керак”, – деб “СЭ” Reuters нашрига таяниб Анчелотти сўзларидан келтиради.