Одил Аҳмедов Ўзбекистон терма жамоаси билан тўрт йил олдин Қатардаги Осиё кубоги мусобақасида яримфиналга етиб борган эди. "Краснодар" яримҳимоячиси бу сафарги қитъа биринчилигида ўз терма жамоасининг камида ўша натижани такрорламоқчи эканлигини билдирди.
"Биз 2011 йилги натижани такрорлаб, камида яримфиналгача бормоқчимиз. Тўрт йил аввалги натижани такрорлаш учун ҳаммамиз шаймиз. Бу ўзбек футболи учун ривожланиш бўлади ва келгусида янада юқори чўққиларни забт этиш учун муҳим қадам бўлади. Бу ўзбек ҳалқи учун катта байрам.
Ҳар бир футболчи фаолиятида олдинга қадам ташлашни истайди. Албатта, мен Европа чемпионлар лигасида ўйнашни истардим, чунки бу жаҳоннинг энг яхши мусобақаси.
Европанинг кучли бешлиги клубларидан таклиф тушса, албатта кўриб чиқаман. Чемпионлар лигасида ўйнашни истайман, Европа лигасида ўйнаб кўрдим ва бундай катта мусобақада ўйнаш қандай зўр ҳиссиёт эканини яхши биламан", - дея Одил Аҳмедовнинг сўзларини келтиради ОФК расмий сайти.
