Ироқ ва Иордания терма жамоалари ўртасидаги учрашув билан ОК-2015 1-тур баҳслари якунига етди.
Учрашувнинг биринчи бўлимида ҳисоб очилмаган бўлса, иккинчи бўлимнинг 77-дақиқасида Қосим Ёсир томонидан киритилган ягона гол Ироқ терма жамоасига учрашувда ғалаба келтирди.
Таъкидлаш жоиз, Осиё Кубоги-2015 1-туридан ўрин олган учрашувларнинг ҳеч бирида дуранг натижа қайд этилмади. Ўйинларнинг барчаси томонлардан бирининг ғалабаси билан якунланди.
Ушбу гуруҳнинг илк учрашувида Фаластинни йирик ҳисобда мағлуб этган Япония терма жамоаси пешқадаб бўлиб турибди. Ироқ терма жамоаси ҳам ушбу ғалабадан сўнг ўз ҳисобига уч очко ёзиб қўйди.
Эслатиб ўтамиз, эртага А гуруҳидан ўрин олган икки учрашув билан Осиё Кубоги баҳсларининг 2-турига старт берилади.
Осиё кубоги
"Д" гуруҳи
Иордания -Ироқ 0:1 (0:0)
Гол: Ясир Қосим (77)
Иордания - Шофеъ, Вани Ёсин, Заҳран, Элиас, Али, Ал Думайрий, Зиёд, Баниатеа, Исраиваҳ, Ал Сайфий, Хайел Иброҳим
Ироқ - Ҳассан Ҳачим, Шокир, Иброҳим Халаф, Дурғам, Абдуламир, Қосим, Калаф, Тариқ, Салим, Абдул-Заҳра, Маҳмуд.
