Қувайт терма жамоаси яримҳимоячиси Солиҳ Аш-Шайх ОСиё кубоги мусобақаси гуруҳ босқичининг иккинчи турида Жнаубий Корея терма жамоасига қарши учрашув олдидан қувайтликларнинг кореяликлардан чўчимаётганини маълум қилди.
Аш-Шайх Австралияга қарши биринчи учрашувда (1:4) тўлиқ 90 дақиқа ҳаракат қилган эди.
"Биринчи турда Жанубий Корея тўпни кўпроқ назорат қилганликларига ва бироз яхшироқ ўйнаганликларига қарамай, Уммон ҳам жуда яхши ўйнади, - дейди "Ал-Қодисия" футболчиси. - Корейслар жаҳон чемпионатидаги омадсизлик сабабли бироз босим остида бўлишлари мумкин, аммо бунга қарамай, уларни профессионал жамоа деб биламан. Улар бошидан бошлашлари мумкин.
Футболчи сифатида Кореядан қўрқмайман. Бизда ҳам тарих бор, моҳир ўйинчилар бор. Бизда ўзимизга хос ўйин бор, Уммон қилган хатоларни қилмаймиз. Биз ғалаба учун ўйнаймиз ва мақсадимиз йўлида курашамиз.
Австралияга қарши ўйиндан сўнг мураббийимиз барча камчиликларимиз ва ижобий тарафларимизни кўрсатиб ўтди. Келгуси ўйинларда ўйинимизни яхшилаб, мураббийимиз кўрсатмаларига амал қилишга ҳаракат қиламиз", - дейди Аш-Шайх.
