Собиқ футболчи, ҳозирда "Балтика" клуби бош мураббийи Сергей Юран "Арсенал" бош мураббийи сигарет чекадиган футболчиларни ўринбосарлар сафига юборишига муносабатини билдирди.
"Тўғрисини айтсам, Венгердан бундай қаттиққўлликни кутмаган эдим. Европада тўп сурганимда у ердаги мураббийларнинг кўпроқ либераллигига кўниккан эдим. Йўқ, зарарли одатлар ҳеч қаерда яхши кутиб олинмаган, тунги клубларга бориш - жуда қаттиқ жазоланар эди. Аммо битта сигарет учун захирага ўтказиш? Яна етакчи ўйинчини... Мен ҳайратдаман.
Мен дуч келган европалик энг машҳур чекувчилар? Улар Португалиянинг 90-йиллардаги юлдузлари. Паулу Соуза, масалан, мароқ билан сигарет тутатар эди. Руи Кошта ва Паулу Футре эса кунига бир ярим-икки қутини кўрдим демас эдилар. "Бенфика"да бу мавсуга айтарли тақиқ йўқ эди. Бош мураббий Эрикссон ҳамма нарсани машғулот ва майдонда талаб қилар эди. Ана у ерда ҳаммасига тайёр бўлишинг керак эди.
Германияда Клаус Топмёллер қўл остида ўйнаганман. Унинг фикрича, ўйин олдидан кечки овқат олдида бир жуфт бокал пиво симириш - жазо эмас, балки фойдали эди. Яхши ухлаш учун.
Португалияликлар пиводан кўра, қизил винони маъқул кўрар эдилар. Фақат меъёрингни бил, аҳмоқгарчиликлар қилма, шунда сенга бахт кулиб боқади", - деб эслайди Юран.
