Осиё Футбол Конфедерацияи Осиё Кубоги-2015 гуруҳ босқичи 1-тур рамзий терма жамоасини эълон қилди. Ушбу жамоадан эртанги рақиб - Хитой терма жамоасининг икки нафар футболчиси жой олган.

ОФК эълон қилган рамзий терма жамоага Хитой терма жамоаси дарвозабони Ванг Далей ҳамда ҳимоячи Жанг Линпенлар киритилган.

Барча терма жамоалар орасида рамзий терма жамоадан энг кўп БАА ҳамда Япония терма жамоалари футболчилари жой олишди. Ушбу терма жамоалардан учтадан футбболчи 1-тур рамзий терма жамоасидан ўрин эгаллашди.

Осиё Кубоги-2015 1-тур баҳслари якунига кўра тузилган рамзий терма жамоадан ўрин олган футболчилар:

Дарвозабон: Ванг Далей (Хитой)
Ҳимоячилар (Ўнгдан чапга): Готоку Сакаи (Япония), Майя Йошида (Япония), Жанг Линпенг (Хитой), Амир Хожисафий (Эрон).
Ярим Ҳимоячилар: Ку Чжа Чол (Ж. Корея), Луонго (Австралия). Умар Абдулраҳмон (БАА)
Ҳужумчилар: Али Маҳбут (БАА), Аҳмад Ҳалил (БАА), Синдзи Оказаки (Япония).