«Барселона» ярим ҳимоячиси Серхио Бускетс жамоа ҳужумчиси Лионель Мессининг клубдаги келажаги борасида ўз фикрларини билдириб ўтди.

"Мессининг келажаги ўз қўлида, лекин у "Барселона"дан кетиш ҳақида ўйлаётгани йўқ. Унинг жамоада қолиши биз учун катта аҳамиятга эга. У ҳам барча футболчилар сингари битта фикрни таъкидламоқда: келажакда нима бўлишини ҳеч ким билмайди. Шунингдек, у клубда қолишни исташини айтмоқда. Месси клубдаги шунчаки ўйинчи эмас — у муҳим фигура.

Лео — оддий йигит. У жамоанинг оддий бир бўлаги эканини таъкидлаб ўтди, аммо у ўйин тақдирини ҳал қила оладиган салоҳиятга эга эканини биламиз. У кўп нарсага қодир, аммо шу билан бирга у бошқалар сингари футболчи.

Баҳсли вазият юзага келганида, барчанинг ўз нуқтаи назари бор. Мухлислар ОАВ тарқатаётган хабарларни билишади, аслида нималар рўй бераётганини билишмайди", – дейди Бускетс.