КОНКАКАФ (Шимолий ва Марказий Америка ҳамда Кариб денгизи мамтакатлари) минтақасида 2018 йилги жаҳон чемпионати саралаш босқичининг дастлабки икки раундига қуръа ташланди. Қуръа Майами (АҚШ)да ташланди, деб хабар қилади euro-football.ru.
Биринчи раундда қуйидаги жамоалар ўзаро баҳслашишади:
Багам острова – Бермуд ороллари
Британия Виргиния ороллари – Доминика
Барбадос – Америка Виргиния ороллари
Теркс ва Кайкос – Сент-Китс ва Невис
Никарагуа – Ангилья
Белиз – Кайман ороллари
Кюрасао – Монтсеррат.
Иккинчи раундда эса қуйидаги жамоалар ўйнашади:
Сент-Винсент ва Гренадина – Гайана
Антигуа ва Барбуда – Сент-Люсия
Пуэрто- Рико – Гренада
Канада, Доминикан Республикаси, Гватемала, Аруба, Сальвадор ва Куба термалари биринчи раунд ғолиблари билан майдонга тушишади.
КОНКАКАФда Россиядаги мусобақа учун 35 жамоа кураш олиб боради. Бу минтақадан 3 жамоа ЖЧга тўғридан-тўғри йўл олади, яна бир терма жамоа эса қитъалараро плей-офф баҳсида майдонга чиқади.
КОНКАКАФда саралаш босқичи 5 раунддан иборат. Биринчи босқичдаги ўйинлар 23 ва 31 март кунлари бўлиб ўтади. Иккинчи раунд баҳслари – июнда ўтказилади, август-сентябрда учинчи раунд ўйинлари ўтказилади. 2015 йил ноябридан бошлаб 4-босқич бошланади. Унда ЖЧ-2014 иштирокчилари – Коста-Рики, Мексика, АҚШ ва Гондурас, яна Панама ҳамда Тринидад ва Тобаго ҳам қатнашади. 12 жамоа уч гуруҳга бўлинади, улар орасида энг кучли 6 жамоа сўнгги босқичга йўл олади. 5-раунд учрашувлари 2016-2017 йилларда ўтказилиши режалаштирилган.
Осиёда саралашнинг дастлабки ўйинлари 12 мартда бўлиб ўтади. Қуръа ташлаш маросими эса февралда ўтказилиши керак. Океания минтақасида жаҳон чемпионати-2018га саралаш босқичи минтақавий Миллатлар Кубоги якунларига кўра аниқланади. Августда бошланадиган турнир ғолиби қитъалараро плей-офф босқичи ва Конфедерациялар Кубоги-2017да иштирок этиш ҳуқуқини қўлга киритади.
Европа ва Африкадаги саралаш ўйинларига 25 июль куни Санкт-Петербургда қуръа ташланади. Шу ерда Жанубий Америкадаги турнир календари ҳам тасдиқланади. Жанубий Америка ва Африкада саралаш босқичи шу йилнинг кузида бошланади. Европада эса 2016 йилнинг кузида старт олади.
ЖЧ-2018 ўйинлари 14 июндан 15 июлгача Россиянинг 11 шаҳридаги 12та стадионда бўлиб ўтади.
