Япония терма жамоаси ҳам барча гранд жамоалар сингари деярли чорак финал йўлланмасини ҳал қилди. Хавьер Агирре шогирдлари Ироққа қарши ўйинда жуда чиройли ўйин намойиш қилишди, аммо ўйинда биргина голни пеналтидан уришди.

Учрашувнинг 23-дақиқасида Кейсуке Хонда ўзига нисбатан ишлатилган қўполлик натижасида белгиланган пенальтини аниқ амалга ошириб, ҳисобни очди.

Шундан сўнг ҳам "Милан" футболчисида гол уриш учун 2та юз фоизли имкониятдан фойдалана олмади. Дастлаб у бирга-бир вазиятда зарба йўллаб, дарвоза устунини нишонга олди. Иккинчи бўлим охирида эса бўш қолган дарвозани ишғол қила олмади. Тўп яна устунга тегиб қайтди. Шунга қарамай, Хонда учрашувнинг энг яхши футболчиси деб топилди.

Ушбу ғалабадан сўнг Япониянинг очколари 6та етади. "D" гуруҳида иштирок этаётган Ироқ ва Иордания ҳисобида 3тадан очко бор.

Осиё кубоги-2015. "D" гуруҳи, 2-тур
Ироқ – Япония - 0:1
Гол: Кейсуке Хонда (23-пенальти)
Ироқ – Ҳассан, Исмоил, Шокир, Аднан, Салим, Абдул Амир, Қосим, Абдулзаҳро, Калаф, Халаф, Маҳмуд.
Япония – Кавасима, Сакаи, Морисиге, Нагатомо, Йосида, Инуи, Эндо, Хасебе, Кагава, Хонда, Оказаки.