Саудия Арабистони терма жамоаси сардори Сауд Каририй Ўзбекистонга қарши бўладиган 3-тур олдидан ўз фикрларини билдириб ўтди.
"Ўзбекистонга қарши ўйинга тайёргарликни бошлаб юборганмиз. Рақиб ҳақида яхши маълумотга эгамиз. Улар бизга қарши ўйинда майдонга фақат ғалаба умидида тушишади. Бу ҳолат бизни ўйин давомида анча эҳтиёткор бўлиб ўйнашга чорлайди.
Ўйин давомида бизни қўллаб-қувватлаб турган саудиялик мухлисларга миннатдорчилик билдираман. Уларни хурсанд қилиш учун қўлимиздан келган барча ишни қилишга ваъда бераман", - дейди Каририй.
Саудия Арабистони терма жамоаси ярим ҳимоячиси Тайсир ал-Жассим ҳам ўз фикрлари билан ўртоқлашди.
"Ўзбекистонга қарши ўйиннинг муҳимлигини ҳис қилиб турибмиз. Ушбу ўйин чорак финал масаласини ҳал қилиб беради. Кучли жамоага қарши тўқнаш келамиз. Шубҳасиз, Ўзбекистон яхши шаклланган жамоа. Лекин биз ўзимизга ишонамиз. Ўзбекистонга қарши ўйинда фақат 3 очко учун майдонга тушамиз", - дейди Тайсир ал-Жассим.
