Болгариялик футболчи Свестослав Барканичников болгар футболида энг таниқли ўйинчилардан бири ҳисобланади. У www.topsport.ibox.bg сайтига берган интервьюсида Ўзбекистон миллий терма жамоаси уни ўз сафига чорлаганини таъкидлаб ўтди. 41 ёшли футболчи ҳозирда "Левски 2007" жамоасида ўйнамоқда.
"Менга Ўзбекистон миллий терма жамоасидан таклиф бўлганди. "Левски" сафида "Албена кубоги"да Ўзбекистон терма жамоасига қарши ўйнагандим. Яхши ўйин бўлганди, бу жамоа ҳам менга ёққанди. Ўзбекистон фуқаролигини қабул қилиб, Ўзбекистон терма жамоасида ўйнашим учун менга яхшигина пул таклиф қилишганди. Ўзбекистон ўша пайтда ЖЧга чиқиш учун ҳаракат қилаётганди. "Левски" мени қўйиб юборишни истамаган. Боиси, менда Болгария терма жамоасида ўйнаш имконияти бор эди. Кейинчалик терма жамоа бош мураббийи Стойчо Младенов мени йиғинга таклиф қилди. Афсуски, мен жиддий жароҳат олгандим.
Эслатиб ўтамиз, ЖЧ-2002 саралаш босқичида Ўзбекистон терма жамоаси сафида болгариялик Алексей Дионисиев ва Георги Георгиев ўйнашган.
