Осиё кубогида "А" гуруҳ вакиллари гуруҳ босқичини якунлашди. Чорак финал йўлланмасини муддатидан аввал ҳал қилган Австралия ва Жанубий Корея терма жамоалари гуруҳ босқичи учун кураш олиб боришди.
Учинчи ўйинда ҳам минимал ҳисобда ғалаба қозонган кореяликлар 9 очко билан "А" гуруҳ ғолиблигини қўлга киритишди. Ўйиндаги ягона гол биринчи бўлимда Ли Жеонг Хйеоп томонидан киритилди.
Ўйин кескин курашларда бой бўлди, ҳар иккала жамоа чиройли ўйин кўрсатиб беришди. Айниқса, ўйин сўнгида ҳар иккала жамоа футболчилари бир мартадан яккама-якка вазиятдан фойдалана олишмади. Дарвозабонлар маҳорат намойиш қилишди.
Уммон эса Кувайтни 1:0 ҳисобида мағлуб этди ва гуруҳда 3-ўринни эгаллади.
Шу тариқа, Австралия терма жамоаси чорак финалда Хитой билан баҳс олиб борадиган бўлди. Жанубий Кореянинг плей-оффда рақиби Ўзбекистон ва Саудия Арабистони терма жамоаларидан бири бўлади.
Осиё кубоги-2015. "А" гуруҳи, 3-тур
АВСТРАЛИЯ - ЖАНУБИЙ КОРЕЯ - 0:1
Гол: Ли Жеонг Хйеоп (32)
Австралия: Райан, Франьич, Спиранович, Саинсбури, Беҳич, Миллиган, Бёрнс, МакКей, Луонго, Троиси, Юрич
Жанубий Корея: Ким Жин Хён, Ким Чанг Су, Квак Тэ Хви, Ким Йонг Гвон, Ким Жин Су, Парк Жу Хо, Ки Сунг Йеунг, Хан Кё Вон, Ку Жа Чол, Ли Кеун Хо, Ли Жеонг Хйеоп
УММОН - КУВАЙТ - 1:0
Гол: Ал-Мақбалий (69)
Уммон: Ал-Ҳабсий, Увайсий, Амир, Ал-Бусайдий, Салим, Муборак, Ал-Форсий, Сайид, Иброҳим, Ар-Разайқий, Ал-Мақбалий
Кувайт: Ал-Холадий, Авад, М.ал-Энзий, Ал-Матуг, Ал-Мақсийд, Заяд, Ал-Иброҳим, Ал-Ҳажерий, Машъан, Носир, Ал-Бурайкий
| № | Жамоа | Ў | Ғ | Д | М | Т-Н | О |
|---|---|---|---|---|---|---|---|
| 1 |  Жанубий Корея |
3 | 3 | 0 | 0 | 3-0 | 9 |
| 2 |  Австралия |
3 | 2 | 0 | 1 | 8-2 | 6 |
| 3 |  Уммон |
3 | 1 | 0 | 2 | 1-5 | 3 |
| 4 |  Кувайт |
3 | 0 | 0 | 3 | 1-6 | 0 |
