Ўзбекистон терма жамоаси ҳужумчиси Игорь Сергеев Осиё кубоги мусобақаси гуруҳ босқичининг 3-турида Саудия Арабистонига қарши ҳал қилувчи учрашув олдидан фикрларини билдирди.
"Хитойга қарши ўйинда ўйинимизни йўқотиб қўйдик, бундан жуда афсусдамиз. Аммо яна бир имкониятимиз борлигидан хурсандмиз. Жамоа ўз кучига ишонади ва Саудия Арабистони устидан ғалаба қозонмоқчимиз, чунки бошқа иложимиз йўқ. Биз яраланган бўри ҳолдамиз ва ўйлайманки, Саудия Арабистонини мағлуб эта оламиз.
Мен бу учрашувда очиқ ва қизиқарли ўйин кутяпман. Саудияликларни дуранг қониқтирса ҳам улар дуранг учун ўйнайдилар, деб ўйламайман. Икки жамоа ҳам ғалаба учун ўйнайди ва жуда қизиқарли ўйин кутяпман.
Бу ерга келишимиздан олдин Ўзбекистонлик ҳар бир мухлис бизга ишонган эдилар, шунинг учун ҳаммасини яхши бажаришимиз керак. Қатарда 4-ўринни эгаллаган эдик ва биз бу натижан яхшилаш учун келганмиз. Ҳозир қийин, аммо бунга ҳаракат қиламиз.
Хитойга қарши энг яхши ўйинимизни кўрсата олмадик, шунинг учун мағлубиятга учрадик", - дейди 21 ёшли ҳужумчи.
